Yak-“Zone”

iMe…pourquoi?

Suroboyoan Cuk…#3(telu)#

Salah wong…!!!

Dino iku Cak Manto kethok bungah. Kaet isuk mau, ambek mesam-mesem  dewe deke mlebu ruangan nyar. Ancen dino iki wonge munggah pangkat, dadi manajer nyar nang PT.Thingak-Thinguk, duweke Cak Gabus. Karyawan nang kono wis podho ngapurancang soale oleh Bos nyar an.

Dadi Bos nyar, Cak Manto masang rai berwibawa. Maksude ben anak buahe pada wedi. ‘Ayo, nyambut gawe kabeh! Aku gak gelem onok sing males-malesan moco koran, main game utowo chattingan. Ayo kerjo golek duwit kabeh!’

Mari ngono, anak buahe podho ngadep kerjoane dewe-dewe. Onok sing mecucu soale kerjoane akeh, ono sing wedi tenan karo ndredheg, soale wonge wis tuwek. Waduh, pokoke suasana tegang lah. Onok sing rasan-rasan kalo tolah toleh, terutama wong wedok-wedok iku. Biasa ibuk-ibuk.

Jam 11 awan, Cak Manto metu maneh teko ruangan. Karepe arep inspeksi mendadak (koyok Presiden SBY, maksude, masiyo seje level..adoh malah). Keliling teko bangku pojokan sampek pintu keluar. Nang kono onok arek lanang mesam-mesem cedhek lawang. Eruh ngono, Cak Manto langsung marani arek mau, langsung diseneni.

‘Heh, koen enak men. Koncone podho kerjo ngetuwel, koen malah ngguya-ngguyu nang ngarepe lawang. Ayo, kerjo  maneh. gak eruh sopo aku yo.’ Cak Manto mulai metu sungune…

Sing diseneni malah mesam-mesem, manthuk-manthuk. Ngerti ngono, Cak Manto tambah ngamuk, ‘Koen gak eruh yo aku iki bos nyar nang kene. Ojok atek macem-macem koen, opo koen njaluk dipecat, hah??’

Diseneni koyok ngono iku, arek iku tetep mesam-mesem. Wah, malah ndadi wonge.

‘Yo wis, gak usah kesuwen koen. Koen tak pecat, iki tak kei pesangon limang atus ewu. Wis yo, ndang mulih saiki, sesuk gak usah mbalik maneh. Lek nekat tak celukno satpam.’ karo ngomong ngono, Cak Manto ngekekno duwit teko dompete. Arek iku karo manthuk-manthuk langsung ngloyor. ‘Suwun Pak’ , jarene.

‘O..ancen karyawan ndhableg. Dipecat jik mesam-mesem..Min.Min..mrene..ndi Sadimin?’ bengoke Cak Manto. Cak Sadimin rumongso diceluk jenenge langsung mlaku nang ngarepan. ‘Yo, pak. onok opo pak?’ jarene takzim.

‘Iku mau, karyawan nang kene mau tak pecat. Saiki gawekno surat pemecatan yo, ben sesuk diterno Kardi nang omahe.’ jaluke Cak Manto.

‘Lho sing ndi pak?, Cak Sadimin bingung. ‘Lho, arek iku mau sing nang cedhek lawang kene mau, tak delok males gak karuan, koncone kerjo kok malah mesam-mesem. Akhire tak pecat, karo tak kei pesangon limang atus ewu.’

‘Waduh, pak. Iku mau arek dodol sego pecel langganane Yuk Karti, ngenteni disusuki.’

‘Lho, duduk karyawan ta? Mangkane kok mesam-mesem, apes awak.’

Filed under: inTERmeZZO,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Almanak

February 2009
M T W T F S S
« Jan   Apr »
 1
2345678
9101112131415
16171819202122
232425262728  

TransLatOR !!!

Blog Stats

  • 82,596 hits-pemBaca

Flickr Photos

Photonic Symphony

Kuifmees / Crested Tit / Mésange huppée

6922

More Photos

Traffic Map – Posisi Moe …

Donasi ^_^

CO.CC

CO.CC:Free Domain
%d bloggers like this: